“Apple” корпорацийн хамгийн сүүлд гаргасан iphone 6 plus худалдаанд гараад удаагүй байна. Хэдийгээр тус корпораци утасныхаа тэжээл болон зайг илүү анхаарч өмнөх загвараасаа илүү удаан ажиллах боломжтой болгосон ч үндсэн биеийг нь хийсэн хөнгөн цагаан хийц нь амархан нугарч хэлбэрээ алдан эвдэрч байгаа талаар цахим ертөнцөөр шуугиж, видео ч цацагдаж эхэллээ. Уг гар утсыг өмднийхөө халаасанд хамаагүй авч явбал эвдрэх магадлалтай гэнэ. Тиймээс энэ дутагдлыг хэрхэн арилгах талаар хөгжилтэй ч гэмээр зөвлөмж гарчээ. Өөрөөр хэлбэл, хэрэглэгчид Iphone 6 plus- ийн ард мод барьж бэхэлбэл илүү бөх болно хэмээн үзэж байгаа аж.