Энэ оны есдүгээр сард технологийн тэргүүлэгч Apple компани шинэ бүтээгдэхүүнээ танилцуулах билээ. Тэгвэл Apple компани энэ удаагийн шинэ бүтээгдэхүүнээрээ Iphone 13 ухаалаг гар утас болон шинэ үеийн Airpods утасгүй чихэвчийг танилцуулна хэмээн шуугиж эхэлжээ.
Харин одоо та бүхэнд Apple компаниас ирэх есдүгээр сард танилцуулах Iphone 13 ухаалаг утасны таван онцлогийг хүргэе.
1.    Хэмжээ
5.4 инчийн Iphone 13 Mini
6.1 инчийн Iphone 13
6.1 инчийн Iphone 13 Pro
6.7 инчийн Iphone 13 Pro Max

2.  Загвар
Iphone 13-ийн спикер утасны орой хэсэгт байрлаж, диагональ камертай байна. Харин Iphone 13 Prо илүү том камертай болох бөгөөд сим картны оруулга, унтраах, асаах товчлуур илүү доор байрлах магадлалтай.
Мөн Face ID байрлах ховил илүү жижиг хэмжээтэй болно. Харин Iphone 13 Pro Мах илүү жижиг ховилтой байх учраас чихэвчний чанга яригчийг дээд хүрээ рүү шилжүүлсэн байх магадлалтай юм.

3.   Өнгө
Хар, мөнгөлөг, алтлаг  ягаан, шаргал гэсэн дөрвөн өнгөний сонголттой байна. Үүн дээр хүрэн болон улбар шар өнгө нэмэгдэх магадлалтай.

4. Цэнэг
Утасгүй цэнэглэгчид зориулсан утасны ард байрлах соронзон ороомог өмнөх загвараас илүү том, хүчтэй болно.

5. Үнэ
Үнийн хувьд өмнөх загвар болох Iphone 12-той ойролцоо байна хэмээн таамаглаж байна. Iphone 12-ын хувьд хамгийн хямд Iphone 12 Mini  829 ам доллар, хамгийн үнэтэй Iphone 12 Pro Max 1099 ам доллараар худалдаалагддаг билээ.