“Samsung Electronics” компанийн шинэ ухаалаг гар утас болох “Galaxy Note 10”-ыг энэ сарын 07-ны өдөр албан ёсоор танилцуулсан талаар бид өмнө мэдээлсэн билээ.

Тэгвэл тус компаний зүгээс шинэ ухаалаг гар утасны урьдчилсан захиалгыг наймдугаар сарын 9-ний өдрөөс авч эхэлсэн бөгөөд өнөөдрийн байдлаар Өмнөд Солонгост нэг сая гаруй хүн урьдчилан захиалжээ.

Харин “Galaxy Note 10”-ын худалдаа тус улсад энэ сарын 23-нд эхлэх юм.

“Galaxy Note 10”-ын урьдчилсан захиалгын тоо нэг саяас давж, нийт тоо нь 1.3 саяд хүрсэн байна. Энэ үзүүлэлт нь 2018 онд гарсан “Note 9” загварынхаас хоёр дахин их үзүүлэлт аж.