“Facebook” компани бүтээгдэхүүн үйлчилгээгээ сайжруулах зорилгоор хийж буй зах зээлийн судалгааныхаа хүрээнд ухаалаг гар утас хэрэглэгчид ямар аппликейшнүүд ашигладаг талаарх мэдээллийг цуглуулахаар болжээ.

Харин судалгааны зорилгоор “Study” аппликейшнийг нэвтрүүлж байгаа аж. "Энэ программыг хэрэглэж байгаа хүн бүрт судалгаанд оролцсоных нь төлөө бид урамшуулал олгох болно” хэмээн “Facebook” компанийн цахим хуудастаа мэдэгдсэн байна.

 Харин хэрэглэгчдийн нууц үг, хувийн дүрс бичлэгүүдийн талаарх мэдээллийг цуглуулахгүй гэдгээ “Facebook” компани мэдэгдсэн байна.