Фэйсбүүк компани “Live streaming” үйлчилгээндээ хязгаар тогтоожээ. Энэхүү журам өчигдөрөөс хэрэгжиж эхэлж байна.

Одоогоос хоёр сарын өмнө Шинэ Зеландын хоёр Исламын сүмд зэвсэгт халдлага гарч гэмт этгээд сүм рүү гал нээн 50 хүний амийг хөнөөсөн билээ. Энэхүү аймшигт халдлагаа фэйсбүүк “Live”-аар шууд дамжуулсан нь дэлхий нийтийг цочирдуулсан юм. Энэхүү хэргээс үүдэн одоо фэйсбүүк сүлжээгээр  хэн дуртай нь шууд бичлэгээ цацах боломжгүй болж байна.

Тус үйлчилгээний журмыг зөрчиж, олон нийтэд хор хөнөөлтэй агуулга бүхий дүрс бичлэг тараасан хэрэглэгчийн фэйсбүүк Live үйлчилгээг ашиглах эрхийг 30 хоногийн хугацаанд цуцлах ажээ.