Apple компанийн ерөнхий захирал Тим Кук ам.долларын ханш өссөний улмаас үндэсний мөнгөн тэмдэгт нь хамгийн ихээр үнэгүйдэж байгаа улс орнуудад зарим нэг iPhone ухаалаг утасны загваруудаа хямдралтай үнээр худалдаалах гэж байгаагаа мэдэгдлээ. Тэрбээр одоогоор тодорхой улс орнуудын нэрсийг зарлаагүй ч БНХАУ, Турк, Энэтхэг, Бразил, ОХУ зэрэг улсын талаар ярьж байх өндөр магадлалтай байгаа юм. Дашрамд дурдахад iPhone утасны борлуулалт түүхэндээ анх удаа баярын улирлаар огцом буурсны дараа Тим Кук энэхүү мэдэгдлийг хийжээ.