Apple компани 2019 оны нэгдүгээр хагаст AirPower Mat нэртэй цэнэглэгч "гудас" худалдаанд гаргахаар зэхэж байна. 

Энэхүү шинэ төрлийн цэнэглэгчийн тусламжтай iPhone, Apple Watch, AirPods гээд нэгэн зэрэг олон янзын төхөөрөмжүүдийг цэнэглэх боломжтой аж. Үүний тулд зүгээр л төхөөрөмжүүдийг цэнэглэгчийн гадаргуу дээр тавихад л хангалттай.

Анх 2017 онд тус компани AirPower Mat нэртэй цэнэглэгчийг боловсруулж эхэлсэн тухай мэдээлэл цацагдаж байсан ч цэнэглэгч хэт их халж байснаас болж худалдаанд гарах хугацаа хойшилсныг эх сурвалж мэдэгдэж байсан билээ.