“Samsung” компани ирэх 2019 оны эхний хагас жилд нэг сая гаруй эвхэгддэг гар утас үйлдвэрлэхээр төлөвлөж байгаагаа мэдэгдсэн байна.

Тус компани 5G эвхэгддэг гар утасны системийн программ хөгжүүлэлтэд “Google” компанитай хамтран ажиллахаар болсон юм. Шинэ загварын гар утас нь хэтэвч шиг хагас эвхэгддэг, долоон инчийн дэлгэцтэй байх ажээ. Үнийн хувьд 1500 ам.доллараар худалдаанд гарах урьдчилсан тооцоотой байна. Үүнээс гадна “Samsung” компани хэрэглэгчдийн худалдан авалтыг нэмэгдүүлэх зорилгоор хямд өртөгтэй “Galaxy S10” загварын гар утсаа гаргахаар төлөвлөөд байгаа юм.