“Alphabet”-ийн охин компани болох “Google” компани “Apple”, “Amazon” зэрэг технологийн томоохон өрсөлдөгчдийнхөө сүүлд гаргасан төхөөрөмжүүдтэй өрсөлдөх шинэ бүтээгдэхүүнүүд танилцууллаа. Шинээр танилцуулсан “Pixel 3”, “Pixel 3 XL” гар утаснууд нь өмнөх загвараасаа илүү том хэмжээтэй болсон байна.

Мөн нүүр нь бараг бүхэлдээ дэлгэц болсон төдийгүй илүү хурдан процессортой, камер нь шинэчлэгдсэн гэдгээрээ онцлог болжээ. Үндсэн үнэ нь 799-899 ам.доллар байх бөгөөд нийлүүлэлт нь ирэх сарын нэгнээс эхлэх юм. Эдгээр гар утаснууд борлуулалтыг нь нэмэгдүүлнэ гэж “Google” тооцоолжээ.