Францын тансаг зэрэглэлийн автомашин үйлдвэрлэгч “Bugatti” брэндийн автомашинууд 1.7-3 сая ам.долларын үнэтэй байдаг ч худалдаж авахаас гадна засвар үйлчилгээний хөлс нь багагүй байдгийг “Royalty Exotic Cars” онцоллоо.

Тухайлбал, “Bugatti” брэндийн хамгийн хямд загвар болох “Bugatti Veyron”-ийн хөдөлгүүрийн тосыг солиулахад 20-25 мянган ам.доллар байдаг ажээ. Энэ нь цоо шинэ “Toyota Camry” авахтай ижил үнэтэй юм байна. Түүнчлэн дугуй нь л гэхэд 38 мянган ам.долларын үнэтэй байгаа аж. Энэ нь онцгой ховор сэлбэг хэрэгсэл ашигладагтай холбоотой гэж салбарын онцолж байна.