Роботын хийсэн анхны бургер энэ долоо хоногоос АНУ-ын Калифорни мужийн хэрэглэгчдийн гар дээр очиход бэлэн боллоо. Сан Франциско хотод төвтэй, хоол хийх зориулалттай робот бүтээгч "Creator" компанийн танилцуулж буй робот нь 20 компьютер, 350 мэдрэгч, 50 "хөдөлгөгч" механизмаас бүрдсэн аж. Хэрчих, шарах зэргээр бургер бэлтгэх ажлыг таван минутын дотор хийх чадвартай гэдгээрээ онцлогтой. Тус бургер нь зургаан ам.доллараар худалдаагдах юм байна. Энэхүү төслийн баг бүрэлдэхүүнд “Apple”, “Tesla”, NASA болон “Walt Disney”-ийн судалгаа хөгжүүлэлтийн инженер, дизайнерууд багтжээ.