Хэрэглэгчдийн хувийн мэдээлэл задруулсан байж болзошгүй 200 орчим аппликэйшний үйл ажиллагааг “Facebook” компани түр хязгаарласан байна.

Эдгээр аппликэйшнуудыг шалгах явц үргэлжилж байгаа аж. Хэрэв буруутай нь тогтоогдвол “Facebook”-ээс бүрэн устгах, хэрэглэгчдэд мэдэгдэх арга хэмжээ авна гэдгийг тус компани албан мэдэгдэлдээ онцолжээ. “Facebook”-ийн 87 сая хэрэглэгчийн мэдээлэл улс төрийн зөвлөх үйлчилгээ үзүүлэгч “Cambridge Analytica” компанид алдагдсан гэх мэдээлэл гарсан нь олны шүүмжлэлд ихээр өртсөн юм. Тус компанийн Гүйцэтгэх захирал Марк Закерберг дахин ийм асуудал гаргахгүйн тулд “Facebook”-д холбогдсон бүх аппликэйшнийг шалгахаа мэдэгдээд байна.