Apple-ийн үнэнч хэрэглэгчдийн хувьд шинэ iPhone 6 утасны талаарх цуурхлыг сонсохгүй өдөр бараг байхгүй биз ээ. Тэгвэл өнгөрсөн долоо хоногт  Хятадын нэгэн сайтад iPhone 6 холбоотой  тавигдсан мэдээлэл олон хүний сонирхлыг татаж байгаа бололтой. China.com-д мэдээлснээр Apple 4.7 инч дэлгэцтэй iPhone 6 утсаа ирэх 9-р сарын 25-нд, 5.5 инч дэлгэцтэй  "iPhone Air"  хэмээх утсаа оны сүүлээр танилцуулахаар товложээ. Гэтэл энэ мэдээлэл яг үнэн үү гэдэг дээр олон хүн эргэлзэж байгаа ажээ. Учир нь  9-р сарын 25-ны өдөр пүрэв гарагт таарч байгаа бөгөөд Apple-ийн хувьд iPhone-ийн шинэ загваруудыг баасан гарагт танилцуулсаар ирсэн түүхтэй. Ямартай ч iPhone 6 нь IOS 8 үйлдлийн систем, А8 процессор,  илүү бат бөх сафир дэлгэцтэй байна гэсэн хүлээлт байгаа юм.