“Google” компани “Android” үйлдлийн системтэй гар утасны “message”-ийг орлох шинэ “chat message”-ийн үйлчилгээг нэвтрүүллээ.

“Google”-ийн санал болгож байгаа чат нь зураг, бичлэг илгээх боломжтойгоос гадна олон хүний бүрэлдэхүүнтэй групп чат хийж болдгоороо энгийн “message”-ээс онцлог юм. Энэхүү системийг зах зээлд нэвтрүүлэхэд олон жил зарцуулжээ. “Google” компани өмнө нь энэ чиглэлд маш олон үйлчилгээг хэрэглэгчдэдээ санал болгож байсан ч олныг хамарч чадаагүй байна. Тиймээс 2016 онд нэвтрүүлсэн “Allo” аппликейшнийг зогсоохоор шийдвэрлэснээ пүрэв гарагт зарлажээ. “Facebook Messenger” болон “Whats App”-ийн чатууд мөн энэ үйлчилгээтэй адил учраас “Google” компани аппликейшн зохион бүтээхээс илүүтэйгээр “Android” үйлдлийн системтэй гар утасны “message”-ийг шинэчлэхээр болсон байна. Чатыг нэвтрүүлэхийн тулд “Google” компани “Vodafone”, “T-Mobile”, “Samsung”, “LG” зэрэг 50 гаруй үүрэн холбооны болон үйлдвэрлэгч компаниудтай хамтран ажиллахаар болжээ.