“Facebook” компани Европын Холбооны шаардлагын дагуу нууцлалын шинэ дүрэм хэрэгжүүлэх болсноо мэдэгдлээ. Зөвхөн Европын Холбоо гэлтгүй бусад хоёр тэрбум хэрэглэгчийн мэдээллийн нууцлалыг ижил төрлийн аргаар хамгаална гэдгээ мөн онцолсон байна.

Европ дахь “Facebook”-ийн хэрэглэгчид шашин шүтлэг, улс төрийн үзэл зэрэг хувийн мэдээлэлтэй холбоотой “notification” хүлээн авна. Ингэснээр энэ төрлийн мэдээллийг “Facebook”-ийн нүүр хуудсандаа харуулах эсэхээ шийдэх боломжтой болох юм. Мөн 16-аас доош насны хэрэглэгчдэд хүргэх мэдээллээ хязгаарлаж байгаагаа мэдэгджээ. Нууцлалын шинэ дүрэм нь тавдугаар сарын 25-наас эхлэн Европын орнуудад хэрэгжиж эхлэх юм байна.