Ухаалаг гар утас үйлдвэрлэгч БНХАУ-ын “Шиаоми” компани дотоодын зах зээлдээ шинэ загварын “MI MIX 2S” нэртэй бүтээгдэхүүнийхээ эхний багцыг худалдаанд гаргасан байна. Гэтэл ердөө 5 минутын дотор эхний багцын бүх гар утас борлуулагджээ.

Хятадын зах зээлд дэх хэрэглэгч, захиалагчдын тоо бусад улс оронтой харьцуулахад өндөр байдаг. Тийм ч учраас шинэ бараа бүтээгдэхүүн үүний дотроос шинэ ухаалаг гар утасны худалдан авалтын тоо асар богино хугацаанд өсч байна. “MI MIX 2S” нэртэй ухаалаг гар утсыг Шанхай хотноо анх гуравдугаар сарын 27-нд албан ёсоор танилцуулсан юм. Анх харсан, үзсэн хүмүүсийн хувьд өндөр сэтгэгдэл төрүүлж чаджээ.