2018 оны “Mercedes-Benz"-ийн "S63 AMG” хурдтайгаас гадна унахад хамгийн тохиромжтой, тав тухтай автомашин гэдгийг “Bloomberg Pursuits” онцоллоо.

Задгай дээвэртэй, 179 мянга 500 ам.долларын үнэтэй энэхүү автомашин нь 5.5 литрийн багтаамж бүхий V8 хос турбо хөдөлгүүртэй, 577 морины хүчтэй ажээ. Мөн 3.8 секундэд 100 км хүртэл хурдлах чадалтай. Үүгээрээ “Porsche”-ийн “911 Carrera 4S Cabriolet”-ээс илүү хурдан гэдгийг “Mercedes Benz” мэдэгдээд байна. Харин суудлын хувьд илүү том, өргөн учраас хэрэглэгчдэд тав тухтай байдлыг бүрдүүлэх боломжтой гэж үзэж байгаа юм. Үүнээс гадна дээврээ хураах хугацаа нь 20 секундээс ихгүй гэдгийг тус брэнд онцолж байна.