1885 оны энэ өдөр Карл Бенз анхны автомашины загвараа зохион бүтээжээ. Энэ ганц түүний анхных байсангүй. Дэлхийн автомашины түүхэн дэх анхны автомашин байлаа. Готлеб Даймлер 1886 онд анхны дөрвөн дугуйтай автомашиныг зохион бүтээж, 40 жилийн дараа хоёр инженерийн байгуулсан компанид нэгдэн нийлж байсан ба ширүүн өрсөлдөөний дүнд DaimlerAG компанийн Mercedes Benz брэнд цойлон гарсан. Тус брэнд өдгөө дэлхийн 130 гаруй оронд өөрийн салбартай. Дэлхий нийтэд танигдсан лого нь тэнгэр, газар, далай тэнгисээр зорчих төхөөрөмж бүтээх компанийн зорилгыг илтгэдэг байна.

Амжилтын нууцаас  
• Шинэчлэлт. Энэ бол автомашин бүтээдэг компаниас хүсэн хүлээж болох ердийн чанар мөн.
    
• Үнэ өртөг. Уг компани хэзээнээс үнийг өндөр байлгах бодлого явуулж ирсэн нь Мерседес-Бенцийг нэр хүндтэй брэнд болгоход нь тус болжээ.

• Нэр хүнд. Мерседес-Бенц унаж яваа хүмүүс бусдаас илүү болохоо мэдрэхийг хүсдэг. Хүн болгон энэ брэндийн машин унадаг болчихвол тэд тэрхүү давуу талаа мэдрэх болов уу. Үүнийг ирээдүй харуулах болно.

Компанийн тухай товч мэдээлэл
Вэб хуудас: www.mercedes-benz.com
Байгуулагдсан он: 1924
Үйлдвэрлэгч орон: Герман
Компанийн худалдаа-эдийн засгийн үйл ажиллагаа:
1. Мерседес-Бенц хэмээх тэмдэг нь газар, агаар болон далай тэнгисээр зорчих зориулалттай дотоод шаталтат хөдөлгүүр бүхий бага оврын төхөөрөмж бүтээх гэсэн уг компанийн анхдагч зорилгын илэрхийлэл байдаг.

2. Мерседес-Бенц нь түлшний болон тоормосны системийг боловсронгуй болгосон гэх зэрэг автомашинд зориулсан технологийн олон тооны цоо шинэ шийдлийг зах зээлд нэвтрүүлсэн.

3. Мерседес-Бенцийг үндэслэгчдийн нэг Готтлиб Даймлер 1897 онд дэлхийн анхны таксийг бүтээжээ.