Сүүлийн 50 гаруй жилийн турш бугуйн цагны үйлдвэрлэлийн үйл явц хэрхэн хувьсан өөрчлөгдсөнийг "Bloomberg pursuits" онцолж байна.

1960-аад оны эхээр "Quartz" загварын цаг дэлхий даяар хувьсал хийж, цагны тухай ойлголтыг бүрэн өөрчилсөн юм. "Quartz" загвар механик бугуйн цагийг зах зээлээс шахан гаргасны дараа дэлхийн томоохон брэндүүд илүү хямд, загварлаг цаг үйлдвэрлэж эхэлжээ. 20 дугаар зууны эцэс гэхэд механик цаг хэрэглээнээс гарна гэж мэргэжилтнүүд 30 орчим жилийн өмнө таамаглаж байсан. Гэсэн ч чадварлаг мэргэжилтнүүд механик цагны загварыг шинэчилж, ахин хэрэглээнд нэвтрүүлсэн юм. Харин одоо зах зээлд ухаалаг бугуйн цаг ноёрхож, илүү олон үйлдэл хийх боломжийг олгож байна.