Twitter олон нийтийн сүлжээ хуудсанд мэдээлэл оруулах тэмдэгтийн тоо хоёр дахин нэмэгдсэн байна. Иймд энэхүү олон нийтийн сүлжээний хэрэглэгчид одоо 280 тэмдэгтийн урт бүхий жиргээг нийтлэх боломжтой болжээ.

Twitter-ийн ерөнхий захирал Жек Дорси өөрийн хуудсанд “140+140” хэмээн бичиж, шинэ өөрчлөлтийн зарыг өвөрмөцөөр илэрхийлсэн байна.

2017 оны есдүгээр сард хязгаарлагдмал хэрэглэгчдийн хүрээнд “урт жиргээг” туршиж эхэлсэн билээ. Харин 2017 оны 11 сарын 8 буюу өнөөдрөөс эхэлж энэхүү шинэчлэл бүх хэрэглэгчдийн хүртээл болж байна.

Үйлчилгээний энэхүү шинэчлэл япон, солонгос, хятадаар жиргэдэг хэрэглэгчдэд харин хүртээлгүй аж.