Samsung компани 17 дурантай, 4К нягтралтай 360 бичлэг шууд дамжуулж чадах 360 Round хэмээх камер танилцууллаа. Энэхүү камер нь ирэх долоо хоногт АНУ-д худалдаанд гарах аж.

Одоогийн байдлаар үнэ нь тодорхойгүй хэдий ч, чамгүй өндөр үнэтэй худалдаанд гарах болов уу. Учир нь Google-ийн яг үүнтэй ижил төрлийн Yi Halo камер 1699 ам. доллар бөгөөд 4К шууд бичлэг дамжуулж чадахгүй.

1,8 өрцтэй, 17 дуран бүхий энэ камер өөр дээрээ зургаан тал руугаа харсан микрофон, хоёр микрофон оролт, 50GB дотоод санах ой, 2TB хүртэлх SSD дэмжих бөгөөд 30fps хурдаар 4К бичлэг хийнэ.

Түүнчлэн ус, тоосны хамгаалалтын IP65 стандартыг хангасан учир ихэнх цаг агаарын нөхцөлд гадаа ашиглахад тохиромжтой.