“Google” корпораци Калифорнид зохион байгуулсан тусгай арга хэмжээнийхээ үеэр “Pixel” загварын хоёрдугаар үеийн ухаалаг гар утсаа танилцууллаа.

“Pixel 2” болон “Pixel 2 XL” хэмээх “Android” үйлдлийн системтэй гар утас нь хэмжээний хувьд 5-6 инчийн гэсэн хоёр төрлийн сонголттой аж. Дээрх хоёр гар утсыг бүтээхдээ техник болон программ хангамж, хиймэл оюун ухааныг төгс хослуулсан гэж “Google” мэдэгджээ.

“Pixel 2” болон “Pixel 2 XL”нь 12 мегапиксель камертай, 64 болон 128 гегабайтын багтаамжтай юм байна. Эдгээр гар утас нь “iPhone”-оос илүү өндөр нягтаршилтай зураг авах боломжтой гэдгийг тус компанийн зүгээс онцоллоо. Шинээр танилцуулсан “Pixel 2” гар утсыг 650 ам.доллараар, “Pixel XL” загварыг 850 ам.доллараар тус тус худалдаалах юм байна.“Google” компани “iPhone”-ийн шинэ загваруудтай харьцуулахад хямд үнэтэй эдгээр гар утаснуудаа загвараас нь хамаараад энэ сарын 19 болон ирэх сараас зах зээлд нийлүүлэхээр төлөвлөжээ.