"Mercedes-Benz" компани АНУ-д дизель хөдөлгүүртэй автомашин борлуулахаа хойшлууллаа. Тус улсын зах зээлд энэ төрлийн автомашины эрэлт багасч байгаатай холбоотой гэж шинжээчид тайлбарлаж байна. "Mercedes-Benz" компани нь "C-Class" седан, "GLE Suv" болон бусад автомашиныхаа дизель хөдөлгүүр бүхий 2017 оны шинэ загваруудыг АНУ-ын зах зээлд борлуулах зорилт тавиад байсан. Харин тус улсын байгаль орчны мэргэжилтнүүднээс зөвшөөрөл авахад харьцангуй хүндрэлтэй болсон учраас холбогдох албаныханд хүсэлт тавихаа түр хойшлуулжээ. Гэхдээ "Mercedes-Benz" АНУ-ын зах зээлд эргээд дизель хөдөлгүүртэй автомашин борлуулж эхлэхийг үгүйсгэсэнгүй. Тус компанийн АНУ-д борлуулсан 100 автомашин тутмын нэг ч хүрэхгүй хувийг дизель хөдөлгүүртэй автомашин эзэлж байна.