Шинэ он гараад төдий л удаагүй байтал оны сүүлчээр танилцуулах IPhone 8-ын талаарх эхний таамгууд гарчээ. Мэргэжилтнүүдийн хэлж буйгаар Apple компани энэ онд гурван шинэ утас танилцуулах төлөвтэй байгаа аж. Эдгээр нь “Oled” технологи бүхий илүү чанартай дэлгэцтэй нэг , утас, мөн одоогийн IPhone 7, 7 Plus утсанд сайжруулалт хийсэн хоёр утас байх юм. Энэ болон бусад төлөв байдлыг Хятадын брокер, хөрөнгө оруулалтын банкны салбарт тэргүүлэгч  KGI Securities-ийн шинжээч Мин-Чи Ку танилцууллаа. “Уламжлал ёсоор ирэх есдүгээр сард танилцуулж магадгүй IPhone-ийн шинэ утаснууд бүгд шилэн гэртэй, утасгүй цэнэглэгчтэй байх. Гэвч Apple-д утас халах нь асуудал болно. Учир нь утасгүй цэнэглэлт, шилэн гэр хоёр бол халдаг шилэн ажиллагаанд тааламж тун ч тохиромжгүй зүйлс” хэмээснийг Business Insider дамжууллаа. Металл гадаргуутай харьцуулахад шилэн гэр хурдан халдаг. Харин утасгүй цэнэглэгч утасны хэмийг нэмэгдүүлдэг. Цоо шинэ IPhone  нь IPhone 7, 7 Plus сайжруулсан загварыг бодвол илүү халах магадлалтай аж. Гэвч үүнийг зохицуулахын тулд Apple бол чулууны хольцтой нэмэлт ялтас суурилуулна. Хэрэв тэгвэл OLED IPhone-ийн 3D мэдрэгч эд ангид төлөх үнэ 50 хувиар нэмэгдэх юм байна. Энэ зэрэг шалтгаанаас үүдэн Apple-д технологи, эд анги нийлүүлэгч “General Interface Solution” болон “TPK Holding” компанийн хувьцаа өсөх хандлагатай байгаа аж. Хамгийн сүүлийн үеийн шинэ эд ангиуд ийнхүү суурилбал OLED IPhone-ий үнэ 100 ам.доллар гарч магадгүйг шинжээчид хэлэв.

IPHONE-8-ИЙН ТӨЛӨВ

• 5.8 инчийн OLED дэлгэц
• Утасгүй цэнэглэгч
• Утасны хүрээ нь давтмал ган төмөртэй, ар нь шилэн
• Home button болон хуруу хээ мэдрэгч нь дэлгэц дотор болон доор нь байрласан
• Давхар линзтэй камер
• Нүүр царай болон хөдөлгөөн мэдэрдэг 3D мэдрэгч технологи
•