Samsung компани өнгөрсөн сард хиймэл оюун ухаант дижитал туслах хөгжүүлж буй ViV компанийг нэгтгэсэн гэдгээ зарласан. Тэгвэл ирэх оны жишиг утас болох Galaxy S8 утас энэ туслахыг өөртөө агуулах аж.
 
Гэхдээ дижитал туслах яг ямар давуу талтай байхыг компани дэлгэрэнгүй тайлбарласангүй. Үндсэндээ Viv туслах Apple, Google-ийн хөгжүүлсэн дижитал туслахуудтай ижил үүрэгтэй, гэхдээ өнөөдөр зах зээл дээр байгаа ямар ч хиймэл оюун ухаанд суурилсан системээс илүү ухаантай гэжээ.
 
Galaxy Note 7 утасны асуудлаас улбаатайгаар компани Galaxy S8 утасны хөгжүүлэлтээ түр хойшлуулах болж, хиймэл оюун ухаант туслахыг уламжлал ёсоор гар утастай зэрэг танилцуулахгүй байж магадгүй юм.