Apple компани хөгжмийн үйлчилгээ, чихэвч  үйлдвэрлэдэг Beats Electronics компанийг худалдан авснаа албан ёсоор зарлалаа. Хэлцлийн нийт дүн 3 тэрбум доллараар Beats Electronics компанийг худалдан авсан бөгөөд энэ нь Apple-ын хувьд томоохон худалдан авалтын нэг юм. Энэхүү гэрээний дагуу Beats үндэслэгч Jimmy Iovine болон Dr Dre нар технологийн удирдлагын багт нэгдэж байгаа аж. Apple-ын захирал Tim Cook “Тус гэрээ баталгаажсанаар Apple компани дэлхий даяар чанартай хөгжмийн бүтээгдэхүүн үйлчилгээг үзүүлэх боломжтой боллоо” хэмээн мэдэгдсэн байна. Хэлцлийн гэрээнд заасны дагуу Apple компани Beats-д 2.6 тэрбум доллар төлсөн бөгөөд үлдсэн 400 сая ам.долларыг үлдсэн  явцад төлөхөөр тохиролцсон байна.