Өмнөд Солонгосын Самсунг Электроникс корпораци зах зээлд зарагдсан байгаа бүх Galaxy Note 7 утаснууд руугаа програмын шинэ хувилбар тараах болсноо зарлалаа.

Энэ шинэчлэлтийг суулгаснаар Galaxy Note 7 утас нь баттерейны 60 хувиас дээш цэнэглэгдэхээ болих ба ингэж хэт халалт, цаашлаад шатах, дэлбэрэх аюулаас түрдээ холдуулах юм байна.

Уг програмын шинэ хувилбарыг есдүгээр сарын 20-ноос эхлэн Galaxy Note 7 гар утаснуудад автоматаар тарааж эхэлнэ.

Гэхдээ энэ нь солигдоогүй байгаа, шатах, дэлбэрэх аюултай утаснуудад зөвхөн суух гэнэ. Буцаан татах Galaxy Note 7 утаснуудын оронд өгөх шинэ утас энэ сарын 19-нөөс салбаруудаар нь тараагдаж эхлэхээр болжээ.