Энэ сарын 7-нд танилцуулсан “iPhone 7” болон “iPhone 7 Plus” гар утас Их Британийн хэрэглэгчдэд өмнөх хувилбаруудаасаа өндөр үнээр хүрэхээр байна. Их Британи Европын Холбоог орхих шийдвэр гаргасны дараа фунт стерлингийн ханш унасан нь ам.доллараар үнэлэгдсэн бүтээгдэхүүний нэрлэсэн үнийг өсгөжээ. “iPhone 7”, “iPhone 7 Plus” гар утаснууд АНУ-д өмнөх загваруудын адил үнийг уламжлан авч, 649 болон 769 ам.доллараар худалдаанд гарч байгаа юм. Харин эдгээр бүтээгдэхүүн Их Британид 599 болон 719 фунт стерлингээр зарагдах юм байна. Энэ нь 2015 оны есдүгээр сард гарсан “iPhone 6S” болон “iPhone 6S Plus” гар утаснуудын худалдаанд гарсан үнээс 11 болон 16 хувиар өндөр байгаа ажээ.