Японы автомашин үйлдвэрлэгч “Toyota Motor” компани зургадугаар сарын 30-аар эцэслэсэн 2017 оны санхүүгийн I улиралд 511 мянган автомашин борлуулж, 6.59 их наяд иенийн орлоготой ажилласан байна. Энэ нь өнгөрсөн жилийн мөн үетэй харьцуулахад 5.7 хувиар буурсан байгаа юм. Цэвэр ашиг ч мөн тайлант хугацаанд 520 тэрбум иен болж жилийн дүнгээр 90 гаруй тэрбумаар буурсан байна. “Toyota Motor”-ийн удирдлагууд зардлаа танаж, хэрэглэгчдийн эрэлтийг дэмжих маркетингийн олон арга хэрэгслийг ашигласан хэдий ч АНУ дахь эрэлт буурч, иенийн ханш чангарсан зэрэг нь санхүүгийн ерөнхий үзүүлэлтээс хойш татсан аж. Тодруулбал 3-6 дугаар сард иенийн ханш жилийн өмнөх үетэй харьцуулахад 11 хувиар чангараад байна. Тиймээс тус компани 2017 оны санхүүгийн жилийн ашгийн төлвийг 1.45 их наяд иен болгон бууруулжээ.