“Nokia” компанийн гар утасны нэгжийг “Microsoft” корпораци 7.4 тэрбум ам.доллараар худалдан авахаар болоод байгаа билээ. Үүний зэрэгцээ “Nokia” компани “Google”-ийн “Android” үйлдлийн систем бүхий хямд үнэтэй ухаалаг гар утас танилцуулахаар болжээ.

Тус компани Энэтхэг болон БНХАУ зэрэг хөгжиж буй зах зээлд зориулж байгаа энэхүү гар утсаа энэ сарын 24-нд Барселонд болох “Mobile World Congress”-ийн үеэр танилцуулахаар болсон байна. Хэдийгээр энэхүү гар утас нь “Android” үйлдлийн системтэй боловч, “Google”-ийн “Play Store” бус “Nokia”-ийн аппликейшны сангаас аппликейшнүүдээ татах ажээ.