БНСУ-ын хууль сахиулагчид “Nissan”-ийн Их Британид үйлдвэрлэсэн загваруудаас нүүрстөрөгч ялгаруулалтын хэмжээг бууруулах хууль бус төхөөрөмж илрүүлсэн байна. БНСУ-ын Байгаль орчны яам "Nissan-ийн спорт загварын, дизель хөдөлгүүрт “Qashqai” автомашинаас “Volkswagen”-ийн төхөөрөмжтэй төстэй хууль бус хэрэгсэл илрүүлсэн” гэж мэдэгджээ. Эдгээр төхөөрөмж нь туршилтын үед нүүрстөрөгч ялгаруулалтыг бууруулах горимд шилжиж, энгийн жолоодлогын үед хязгаарлалтыг унтраадаг байна. Үүнтэй холбоотойгоор БНСУ-ын эрх баригчид “Nissan”-д 330 сая вонын торгууль ногдуулж, 800 гаруй автомашиныг зах зээлээс эргүүлэн татаж, дахин засварлах шаардлага тавьсан юм. Харин “Nissan”-ийн удирдлага хуурамч мэдээлэл танилцуулдаггүй гэх байр суурь баримталдаг, "Европын Холбоо болон БНСУ-ын хуулийн дагуу автомашиныг туршиж, худалдаалах зөвшөөрөл авсан" гэж мэдэгдсэн байна.