Шинэ бүтээгдэхүүний мэдээллийг түрүүлж олж авч чаддагаараа алдартай OnLeaks блог iPhone 7-гийн техникийн зургийг Catcher Techology компаниас олж авснаа өчигдөр нийтэлжээ.

Зураг дээр iPhone 7 болон iPhone 7 Plus загваруудын бүтцийг харуулсан байгаа юм.

iPhone 7-гийн зураг:

iPhone 7 Plus-ийн зураг

Алдагдсан зурагнаас дүгнэвэл:

• 7 Plus буюу том загвар нь зөвхөн хос камертай байх бөгөөд жижиг загвар нь дан камертай байна
• Гэхдээ жижиг загварынх нь камерын линз одоогийн iPhone 6, 6s загваруудынхаас том харагдаж байна
• Том загварт нь Smart Connector-ийн порт харагдаж байна. Түүгээр мэдээлэл солилцох болон тэжээл холбох давхар үүрэгтэй. Ийм портыг өнөөдөр iPad Pro-д гар залгахад ашиглаж байгаа.
• Харин жижиг загварт нь ийм порт байхгүй байна
• Хоёр загварт хоёуланд нь уламжлалт чихэвчний оролт байхгүй болсон байгаа нь чихэвч цаашдаа зөвхөн утасгүй холболттой, эсвэл Lightning портоор холбогддог болно гэсэн таамаглалыг баталж байна.
• Овор хэмжээний хувьд iPhone 6 болон iPhone 6s загваруудтай тус тус ижил хэмжээтэй байхаар байна.

OnLeaks блогийг ажиллуулдаг Стив Хеммерстоффер нь хамгийн найдвартай мэдээлэл цуглуулагчид тооцогддог бөгөөд урьд нь iPad Pro-г гарахаас  өмнө зургийг нь олж харуулж байжээ.

iPhone 7 болон iPhone 7 Plus загварууд ирэх есдүгээр сард танилцуулагдах юм.

Эх сурвалж: Techinsider