НЬЮ-ЙОРК. /TASS/. Америкийн “Apple” корпорацийн “iPhone” ухаалаг гар утасны борлуулалт анх удаа буурсныг тус компанийн энэ оны эхний гурван сарын тайлан мэдээ харуулжээ.

Тайлангийн хугацаанд 51.2 сая “iPhone” зарагдсан нь шинжээчдийн таамаглаж байснаас их тоо боловч 2015 оны эхний гурван сарын борлуулалтаас доогуур үзүүлэлт аж. Өнгөрсөн онд “Apple” корпораци 61 сая ухаалаг гар утас борлуулж байжээ.

Тус компанийн улирал тутмын орлого мөн 2003 оноос хойш анх удаа буурсан байна.