Томоохон автомашин үйлдвэрлэгчдийн хууль зөрчсөн үйлдэл удаа дараалан илэрснээр тухайн салбарын хяналт чангарч, БНХАУ-д хамгийн чанга журам мөрдөгдөж эхлэх төлөвтэй байна гэж “Ford Motor”-ийн удирдлага мэдэгдлээ. “Volkswagen”, “Mitsubishi Motors” зэрэг компанийн зөрчил илэрч, олон сая автомашин эзэмшигчдийн хохирлыг барагдуулах шаардлагатай болсноор хууль хяналтын байгууллагууд шалгалтаа чангатгасан юм. “Ford Motor” компани ч бас хэд хэдэн хос хөдөлгүүрт автомашиныхаа шатахуун зарцуулалтын үнэлгээг бууруулахад хүрсэн байна. Тухайлбал өнгөрсөн баасан гарагт “Volkswagen” компани 11 сая автомашины хөдөлгүүрийн засвар, нөхөн олговрын зардлыг хоёр дахин нэмэгдүүлж, 16.2 тэрбум евро болгожээ. БНХАУ-ын эрх баригчид автомашины нүүрстөрөгч ялгаруулалтад хатуу хяналт тавих болсон бөгөөд одоогоор цахилгаан хөдөлгүүртэй автомашинуудад татаас олгохоос гадна 1.6 литрээс жижиг хөдөлгүүрийн багтаамжтай автомашинд татварын хөнгөлөлт тооцож байна.