“Microsoft” компани Африкийн болон бусад хөгжил буурай орны хүмүүст зориулан “Nokia-215”-ыг зохион бүтээжээ. Энэ сарын 6-нд олон нийтэд эл болгосон уг утсанд  mp3 тоглуулагч, радио, тоглоом, цаг агаар зэрэг хэрэглээний программ багтсанаас гадна 29 хоног цэнэгээ барьдаг давуу талтай аж. 29 ам.долларын үнэтэй энэхүү утасны гол онцлог нь  интернэт холболтгүй ч гэсэн фэйсбүүк, твиттерт орох боломжтой гэнэ. Түүнчлэн  “Nokia-215” нь цахилгаан дэнлүүний гэрэлтэй бөгөөд харанхуй орчинд асаах зориулалттай бүтээгдсэн байна. Удахгүй Ойрхи Дорнод, Африк, Ази болон Европт худалдаанд гаргахаар төлөвлөөд буй юм.