Японы Toyota концерн өөрийн үйлдвэрлэлийн нууцаа дэлгэж эхэлжээ. Дэлхийн автомашин үйлдвэрлэлийн хамгийн томд зүй ёсоор тооцогддог энэ компани ойролцоогоор 5000 орчим патентаа олонд дэлгэж байгаа бөгөөд зохион бүтээгчид болон өрсөлдөгчид нь түүнийг огт үнэгүйгээр таван жилийн турш ашиглаж болно гэнэ.

  Toyota концернийн удирдлага энэхүү үйлдлээрээ устөрөгчийн хөдөлгүүр зохион бүтээхэд ойртуулж байгаа шинэ нээлтүүдийг өдөөн хатгахад чиглэгдэж байгаа бололтой.

Энэ чиглэлийн салбарт японы эрдэмтэд ихээхэн зүйл хийж байгаа бөгөөд 2013 онд Токиод болсон автосалон дээр “Мирай” хэмээх устөрөгчийн элементүүдтэй анхны седан танилцуулагдаж байсан билээ.

Шинэ үеийнхэнд зориулагдсан автомашины хөдөлгүүрийн чиглэлээр ажиллах мэргэжилтнүүд дараагийн алхмаа компанийн үйлдвэрийн цехээс гадуур хийх болно гэдэгт Toyota найдаж байгаа аж.