Одоогоос долоон жилийн өмнө анх танилцуулагдаж байсан “iPhone”-ийг АНУ-ын зарим муж, үүрэн телефоны компаниудаас үеэ өнгөрөөж, хэрэглээнээс гарсан хоцрогдсон загвар мэтээр үздэг ч үнэн хэрэгтээ технологийн салбарт цоо шинэ хуудсыг нээсэн гайхалтай загвар болсон юм. Худалдаанд гарсан эхний долоо хоногтоо 700.000 ширхэг худалдаалагдаж байсан нэгдүгээр үеийн “iPhone” нь “Энэ бол дөнгөж эхлэл нь...” гэсэн уриатайгаар хэрэглэгчдэд хүрч байсан билээ.

Өмнөх загвартай нь харьцуулахад камерын чанар сайжирч, “iPhone OS 2.0” шинэ үйлдлийн системтэйгээр худалдаанд гарсан энэхүү загвар нь хэрэглэгчдэд санаанд оромгүй үнийн санал цоо шинэхэн технологийг санал болгосон юм. Тал үнээр нь хоёр дахин илүү хурдтайг нь сонгох боломжийг бүрдүүлсэн “iPhone 3G” нь эхний долоо хоногтоо 1.000.000 ширхэг худалдаалагдсан байна. Мөн түүнчлэн ОХУ-д албан ёсны эрхтэйгээр худалдаалагдаж эхэлсэн анхны загвар нь болж байжээ.

“Apple Inc.”-аас гаргасан гуравдагч үеийн загвар болж хэрэглэгчдэд хүрсэн “iPhone 3GS” нь цоо шинэхэн батарей, үйлдлийн систем, процессор болон сайжруулсан 3MP камертайгаар худалдаанд гарсан билээ. Хамгийн их хүлээлт үүсгэсэн “iPhone”-ий анхны загвар нь бөгөөд гарсан эхний долоо хоногтоо 1.000.000 ширхэг худалдаалагдсан байна.

2013 оноос үйлдвэрлэлийг нь зогсоогоод байгаа “iPhone 4” нь өмнөх загваруудаасаа хэд хэдэн шатыг ахисан шинэлэг хувилбар болсон юм. Удтал хүлээлгэсний эцэст 2010 оны зургаадугаар сарын 7-ны өдөр танилцуулж байсан энэхүү загвар нь “iOS 4.0” үйлдлийн системтэй болж шинэчлэгдсэн ба урдаа камертай, сайн чанарын буюу Ретина дэлгэцтэй болсон байна. Энэ нь гарсан эхний долоо хоногтоо 1.200.000 ширхэг худалдаалагдаж байжээ.

iPhone 4S / 2011 - 2014

Олонх нь “iPhone 5”-ыг шинэ үеийн тав дахь загвар гэж үздэг ч дарааллаар нь авч үзвэл зургаа дахь шинэ үеийн “iPhone” юм. Өмнөх загваруудаас хамаагүй нимгэн бөгөөд хөнгөхөн болж өөрчлөгдсөн “iPhone 5” нь гарсан эхний долоо хоногтоо 5.000.000 ширхэг худалдаалагдсан амжилттай билээ. Камерыг 8MP болгож сайжруулсан ба энэ нь “SONY” компаниас камерыг нь хөгжүүлсэн “Apple Inc.”-ийн хоёр дахь ухаалаг гар утас болсон байна. Урьдчилсан захиалга нь өмнөх загваруудаас 20 дахин хурдтайгаар нэмэгдсэн нь ямар гайхалтай загвар болсныг гэрчилнэ.

Өнгө ба загварын олон сонголттойгоор танилцуулагдсан шинэ үеийн “iPhone 5S” нь 5С загвараасаа хэдэн зуун саяар илүү худалдаалагдсан байдаг. “iPhone 5C” загварыг хамгийн их хүлээлт үүсгэсэн “Apple Inc.”-ийн хямд өртөгтэй хувилбар болно гэж найдаж байсан ч үнийн хувьд “HTC One Mini”, “Moto X” зэрэг загваруудтай эн тэнцэхүйц өртөгтэй байсан юм. Эдгээр загварууд нь өмнөх “iPhone 5” загвартайгаа харьцуулахад илүү нимгэн, нарийвчлал сайтай дэвшилтэт технологийг шингээсэн шинэ үеийн долоо дахь загварууд болж гарсан юм.

Загвар дизайны хувьд эрс шинэчлэлийг хийж дугуйрсан хэлбэртэй болсон шинэ үеийн “iPhone 6 & iPhone 6Plus” загварууд нь есдүгээр сарын 19-ний өдрөөс эхлэн худалдаанд гарах билээ. Энэ нь өмнөх загваруудтайгаа харьцуулахад дэлгэцийн хэмжээ нь 4.7 инч / 5.5 инчийн “Ретина HD” болж өөрчлөгдсөнөөс гадна хэрэглэгчдийнхээ хэрэгцээ шаардлагыг нарийн мэдэрч хөгжүүлсэн цогц шийдэл бүхий төгс загвараар нэрлэгдээд байна.