Тайванийн ухаалаг гар утасны “HTC” корпораци борлуулалтаа дэмжихээр “One” загварынхаа шинэ хувилбар болох “M8”-ийг өнгөрсөн сард танилцуулаад байна. Гэвч энэ оны нэгдүгээр улиралд тус компани алдагдалтай ажилласнаар сүүлийн гурван улирлын хоёрт нь алдагдал хүлээжээ. 2014 оны нэгдүгээр улиралд “HTC” корпораци

“HTC” корпораци дөрөв, тавдугаар сард борлуулалтын орлого нь өснө гэсэн хүлээлттэй байгаагаа санхүүгийн тайландаа дурджээ. Зургийг: bloomberg.com

1.88 тэрбум тайвань доллар буюу 62 сая ам.долларын алдагдал хүлээсэн гэж тус компанийн зүгээс мэдэгдсэн нь эдийн засагчдын таамгаас 9.9 хувиар давсан үзүүлэлт болсон байна. Өнгөрсөн хоёрдугаар сард тус компани 860 саяас 3.11 тэрбум тайвань долларын алдагдалтай ажиллана гэсэн таамгийг дэвшүүлээд байсан юм. Энэ хугацаанд “HTC” корпорацийн орлого 29 хувиар буурч, 33.1 тэрбум болжээ. Энэ нь тус компанийн таамгаас 1.9 тэрбум тайвань доллараар дутсан үзүүлэлт болсон байна. Хэдийгээр улирлын борлуулалт сүүлийн хоёр жилийн турш буурч байгаа ч өнгөрсөн гуравдугаар сард “HTC” компанийн орлого хоёрдугаар сараас 2.2 хувиар өсч, 16.2 тэрбум тайвань доллар болжээ. Энэ нь нэгдүгээр улирлын орлогын талаас илүүг бүрдүүлээд зогсохгүй 2011 оны аравдугаар сараас хойш орлого нь өссөн анхны тохиолдол болсон байна. Үүнийг “HTC” корпораци гуравдугаар сарын 25-нд “One M8” загвараа танилцуулсантай холбоотой гэж шинжээчид дүгнэж байгаа ажээ. Түүнчлэн “HTC” корпораци дөрөв, тавдугаар сард борлуулалтын орлого нь өснө гэсэн хүлээлттэй байгаагаа санхүүгийн тайландаа дурдсан байна. Мөн ирэх улиралд тус компанийн ашиг болон үйл ажиллагааны ашиг аль аль нь өсөх хүлээлттэй байгаа юм. Гэвч энэ нь өнгөрсөн оны мөн үеэс 20 хувиар бага буюу 56.5 тэрбум ам.доллар хэвээр байна гэж тус компанийн зүгээс үзжээ. - See more at: http://bloombergtv.mn/htc-%D0%BA%D0%BE%D1%80%D0%BF%D0%BE%D1%80%D0%B0%D1%86%D0%B8-62-%D1%81%D0%B0%D1%8F-%D0%B0%D0%BC-%D0%B4%D0%BE%D0%BB%D0%BB%D0%B0%D1%80%D1%8B%D0%BD-%D0%B0%D0%BB%D0%B4%D0%B0%D0%B3%D0%B4%D0%B0%D0%BB-%D1%85%D2%AF%D0%BB%D1%8D%D1%8D%D0%BB%D1%8D%D1%8D/#sthash.2ZrAh5eW.dpuf