Microsoft компанийн зүгээс Windows 7 болон 8 үйлдлийн системийн хувилбарын хуулбарыг худалдаалах ажлыг албан ёсоор зогсоосон байна. Тус программын худалдааг зогсоох өдрийг хэсэг хугацааны өмнө тогтоосон бөгөөд энэ нь цаашид Microsoft компани үйлдлийн системийн сүүлийн хувилбарыг хүмүүст хүргэхэд дэмжлэг болох ажээ. Түүнчлэн хэрэглэгчид Windows-ийн хуучин хувилбаруудаас зайлсхийдэг болсон нь судалгаагаар батлагдсан аж. Windows 10 хэмээн нэрлэгдсэн хамгийн сүүлийн хувилбар нь 2015 онд хэрэглэгчдийн гарт хүрэх юм байна.