Дэлхийн эрүүл мэндийн байгууллагаас баруун Африкт хурдацтай тархаад буй Эбола вирусын талаарх сүүлийн үеийн статистик мэдээлэл гаргалаа. Өнгөрсөн долоо хоногийн сүүлчээр энэхүү вирусын халдвар авсан хүний тоо 5000-д хүрсэн байна. Өдгөөр халдварын улмаас 1600 орчим хүн нас бараад байгаа юм. Халдвар авсан иргэдийн 40 хувь нь нас барж байна гэж Дэлхийн эрүүл мэндийн байгууллагаас мэдээлжээ.