Венесуэлийн гоо сайнхы хатан хаан гэгддэг Моника Спир энэ оны нэгдүгээр сарын 08-ны өдөр дээ­рэмч­­дийн халдлагад өртөж нас бар­сан билээ. Тэр хэргээс хойш най­ман сарын дараа тус улсын шүүх Моника Спирийг хөнөөсөн гур­ван гэмт хэрэгтэнд  ял оноожээ. 

Мөр­дөн байцаагчдын хэлж байгаагаар Ва­лен­сиагаас Пуэрто-Кабельо хүр­тэлх замаар явж буй тээврийн хэ­рэгслүүдийг дээрэмддэг томоохон бү­лэглэлийн гурван залуу тус хэр­гийг үйлджээ. Шүүх эдгээр гурван дээ­рэмчдэд чанга дэглэмтэй хорих ангид 24-26 жил хорих ял оноосон байна. Моника Спир тэр үед Америкт амьдардаг байсан бөгөөд нөхөр охин хоёртойгоо амрахаар нутагтаа ирж, Мерида хотоос нийслэл Каракас хотыг чиглэн явж байхад нь гэмт этгээдүүд  зам дээр хурц иртэй зүйл тавьж, машиных нь дугуйг хагалж, дараа нь  гал нээсэн байна. Улмаар Спир нөхрийн хамт газар дээрээ нас барж, тэдний охин Маяа хөлөндөө сумны шарх аван эмнэлэгт хүргэгдэж байжээ.

2004 оны Венесуэлийн миссээр өргөмжлөгдөж, гоо сайх­ны хатан хаан хэмээн алдаршсан Моника Спирийн аллага  гэмт хэргийн эсрэг жагсаал хөдөлгөөнд иргэдийг урин дуудсанаар Засгийн газар дээрмийн бүлэглэлийн эс­рэг арга хэмжээгээ чангатгах болсон юм. Тус улс гэмт хэргийн гаралтын тоогоороо дэлхийд хоёрдугаарт жагс­даг билээ.