-Чөлөөт бөхийн залуучуудын ДАШТ-ий мэдээлэл-

Чөлөөт бөхийн залуучдын ДАШТ Хорватын Загреб хотноо үргэлжлэн явагдаж байна. Өчигдөр болсон эмэгтэйчүүдийн 48, 55, 63, 72 кг-ийн жингийн тэмцээнээс манайхан нэг алтан медаль хүртсэн. Тэгвэл өчигдөр эрэгтэйчүүдийн тэмцээн 50, 60, 74, 96 кг-ын жингийнхний барилдаанаар эхэллээ.

50 кг-ын жинд манай бөх Цэдэвийн Мандалсүрэн барилдаж, эхний тойрогт Украины Билязег ялж, хоёрдугаар тойрогт АНУ-ын Жабари Мүүдид хожигджээ. Манай бөхийг хожсон америк бөх харамсалтай нь дараагийн даваанд Узбекистаны Шавкатовт хожигдсон учир манай бөх медалийн төлөө өрсөлдөж чадсангүй.

Энэ жингийн шигшээ барилдаанд ОХУ-ын Хасанхусейн Бадрудинов Узбекистаны Махмуджон Шакватовыг 10-5 оноогоор хожиж, дэлхийн аварга боллоо.  

60 кг-д манай Бэгзжавын Гансүх эхний даваандаа Жианис Максимовт ялагдсан байна.

Энэ жинд өсвөр үеийн Азийн АШТ-д түрүүлж байсан Иран бөх Иман Садегхикукандех илт тасархай түрүүлсэн байна. АНУ-ын Жозеф МакКенна түүнтэй алтан медаль булаацалдаад 0:8-аар ялагджээ.

74 кг-ын жинд манайхаас бөх оролцоогүй. Энэ жинд Францын Зелимхан Хажиев түрүүлж, шуугиан тарьсан. Орос гаралтай тэрбээр Франц улсын түүхэнд залуучуудын ДАШТ-ээс алтан медаль хүртсэн анхны бөх болон түүхэнд тэмдэглэгдлээ. Азербайжаны Мохаммад Хажимухутов сайн өрсөлдөгч байсан ч Францын бөх тактикийн барилдааныг сайн хийснээр ялалт байгуулжээ.

96 кг-д манайх мөн л бөх барилдуулаагүй. Энэ жинд ОХУ-ын Георгий Гогаев түрүүлсэн байна.  

50 кг
Алтын төлөө: Хасанхусейн Бадрудинов (ОХУ) v. Махмуджон Шакватов (Узбекистан)
Хүрлийн төлөө: Эмре Демирчан (Турк) с Пак Чан Жун (БНСУ) турк цэвэр ялсан
Хүрэл: Сабер Шарестани (Иран) df. Moody JABARI (АНУ), иран 10-0 техникийн илт давуугаар ялсан

60kg
Алтын төлөө: Иман Садегхикукандех (Иран) df. Жозеф МакКенна (АНУ), 8-0
Хүрлийн төлөө: Вургун Алиев (AZE) df. Жианис Максимов (Беларусь), 8-3
Хүрлийн төлөө: Гажимурад Рашидов (ОХУ) df. Иван Билейчук (Украин), 10-0

74kg
Алтын төлөө: Зелимхан Хажиев (Франц) df. Махаммад хажи Мухутов (Азербайжан), 4-1
Хүрлийн төлөө: Реза Мозаффарижойбари (Иран)- Андрей Капач (Беларусь), 13-3
Хүрлийн төлөө: Мурат Эртурк(Турк) v. Александр Гольцман (Казахстан), 13-11

96kg
Алтын төлөө: Георгий Гогаев (ОХУ) df. Юсуф Кан Зейбек (Турк), 6-1
Хүрлийн төлөө: Василе Карас (Румын) df. Мурази Мчелизе (Украин), 6-3
Хүрлийн төлөө: Кайл Снейдер (АНУ) df. Педрам Жамшиди (Иран), 7-1