Технологийн тэргүүлэгч компаниудын нэг болох Apple компани жил бүрийн шинэ бүтээгдэхүүний нээлт болох “Surprise and Shine” арга хэмжээг зохион байгууллаа. Уг арга хэмжээгээр шинээр худалдаанд гарч буй анхны эвхэгддэг iPhone-ыг танилцуулав.

Арга хэмжээний үеэр Apple шинэ iPhone 18 Pro, iPhone 18, Pro Max загваруудыг сайжруулсан камерын систем, A20 Pro чипээр тоноглосноо онцлов. Мөн компанийн анхны эвхэгддэг гар утас болох iPhone Duo-г олон нийтэд танилцууллаа.

Шинэ iPhone Duo нь эвхэгдсэн үедээ авсаархан хэлбэртэй байх бөгөөд дэлгэхэд 7.6 инчийн том дэлгэцтэй болох аж.

Apple-ийн мэдээлснээр шинэ загвар нь A20 Pro чипээр тоноглогдож, 2 нанометрийн технологид суурилсан байна.

Мөн Apple Pencil-ийн дэмжлэг, хажуугийн товчинд нэгтгэсэн Touch ID, 2TB хүртэлх багтаамж зэрэг онцлогтой. Үндсэн үнэ нь 1,999 ам.доллароос эхлэх бөгөөд урьдчилсан захиалга аравдугаар сарын 16-нд эхэлж, худалдаанд аравдугаар сарын 23-нд гарахаар төлөвлөжээ. 

Энэхүү танилцуулга нь Apple-ийн iPhone-ийн дизайнд сүүлийн жилүүдэд гарсан хамгийн том өөрчлөлтүүдийн нэг болж байна. Тус компани эвхэгддэг төхөөрөмжийн зах зээлд харьцангуй хожуу нэгдсэн ч өрсөлдөгчдийн туршлага дээр тулгуурлан нимгэн хийц, шинэ нугасны шийдэл, том дэлгэц болон олон үйлдэлт хэрэглээнд анхаарсан байна. 

Гол үзүүлэлтүүд:

• Дэлгэц: 7.6 инчийн дотоод дэлгэц, 5.4 инчийн гадна дэлгэц
• Процессор: A20 Pro
• Багтаамж: 2TB хүртэл
• Apple Pencil: Дэмжинэ
• Touch ID: Хажуугийн товчинд суурилсан
• Эхлэх үнэ: $1,999
• Худалдаанд гарах: 2026 оны 10 дугаар сарын 23