АНУ-ын Килн хотод 11, 12 настай хүүхдүүд жолоодлогогүй болсон автобусыг зогсоожээ.

Тодруулбал, дунд ангийн 40 хүүхэд зорчиж байсан сурагчдын автобусны жолооч эмэгтэй гэнэт ухаан алдсан бөгөөд энэ үеэр 11 настай хүү жолоог атгасан бол 12 настай охин дохиог асааж тоормос гишгэжээ. Харин өөр нэг хүүхэд жолоочид үнэртэй ус үнэртүүлж ус өгсөн бол 5 дугаар ангийн охин 911 дугаарт залгаж яаралтай дуудлага өгсөн байна.

Эдгээр хүүхдүүдэд Мужийн хууль сахиулах байгууллагууд талархал илэрхийлж, баатарлаг үйлстнүүд хэмээн зарласан байна.

Мөн жолоочид ус өгч, үнэртэн үнэртүүлсэн нь амь насыг нь аварсан гэж цагдаагийн байгууллагаас мэдээлжээ.