Сүүлийн жилүүдэд борлуулалт нь буураад байсан утастай чихэвчийг Generation Z буюу “Gen Z” үеийн залуус  дахин эрэлтэд оруулж, зах зээлд сонирхолтой өөрчлөлт авчирч байна.

Судалгаагаар 2026 онд утастай чихэвчийн борлуулалт ойролцоогоор 20 хувиар өссөн нь залуу хэрэглэгчдийн сонголт эргэн өөрчлөгдөж байгааг харуулжээ. Ялангуяа энгийн загвар, боломжийн үнэ, бат бөх байдал нь тэдний анхаарлыг татаж байгаа аж.

Шинжээчдийн үзэж буйгаар Gen Z хэрэглэгчид:
    •    Цэнэглэх шаардлагагүй
    •    Алдагдах эрсдэл бага
    •    Дууны чанар тогтвортой
гэсэн давуу талуудыг чухалчилж байна.

Мөн зарим залуус утастай чихэвчийг “ретро хэв маяг” гэж үзэж, өөрийн стиль илэрхийлэх хэрэгсэл болгон ашиглах хандлага нэмэгдэж байгаа нь эрэлтийг дэмжиж байгаа юм.

Технологийн салбарт утасгүй төхөөрөмжүүд давамгайлж буй энэ үед утастай чихэвчийн эргэн ирэлт нь хэрэглэгчдийн зан төлөв, тренд хэрхэн өөрчлөгдөж болохыг харуулсан сонирхолтой жишээ болж байна.

Шинжээчид цаашид энэ өсөлт тогтвортой үргэлжлэх эсэх нь үйлдвэрлэгчдийн шинэчлэл, хэрэглэгчдийн хандлагаас ихээхэн шалтгаална гэж үзэж байна.