Японы төдийгүй хүн төрөлхтний сэтгэлд мартагдахааргүй шарх үлдээсэн Хирошима хотын цөмийн бөмбөгдөлтийг дурсах өдөр өнөөдөр тохиож байна. 1945 оны наймдугаар сарын 6-ны өглөө Америкийн бөмбөгдөгч В29 Enola Gay онгоцоор "Жаалхүү" хэмээн нэрлэсэн дөрвөн тонн жинтэй цөмийн бөмбөгийг Хирошима хотод хаяжээ. Үүнээс гурван өдрийн дараа "Том залуу" нэртэй бөмбөгийг Нагасаки хотод хаясан юм. Хирошимад бөмбөг хаясны улмаас минутын дотор 100 мянга гаруй хүн амиа алдсан бөгөөд дараагийн жилүүдэд ч энэ тоо нэмэгдсээр л байсан юм.