Францын Ерөнхийлөгч Макрон Вьетнамд онгоцноос буухаасаа өмнө эхнэртээ алгадуулж буй бичлэгээ бид тоглож байсан хэмээн тайлбарлав.

Тодруулбал, даваа гарагт Вьетнам улсад айлчлан ирсэн Францын ерөнхийлөгч Эммануэл Макрон онгоцноос буухынхаа өмнө эхнэртээ түлхүүлж байгааг харуулсан дүрс бичлэг сошиал ертөнцөд тараад байна.

Харин Ханой хотод сэтгүүлчидтэй уулзахдаа Макрон үүнийгээ “бидний хооронд байнга болдог тоглоом  төдий зүйл байсан” гэж тайлбарлажээ.

Францын зарим хэвлэлүүдийн мэдээллээр мөн “ерөнхийлөгч албан ёсны арга хэмжээнүүдийн өмнө эхнэртэйгээ тоглож, наргих дуртай. Эхнэр нь үргэлж иймэрхүү байдлаар хариу үйлдэл үзүүлдэг” гэж тайлбар гаргаад буй аж.