Өчигдөр буюу хоёрдугаар сарын 16-нд БНСУ-ын залуу жүжигчин Ким Сэ Рон 24 насандаа таалал төгслөө.

Залуу жүжигчний цогцсыг түүний найз нь Сөүл дэх гэрээс нь олж, цагдаад мэдэгджээ.

Цагдаагийн байгууллагаас Ким Сэ Роны үхлийн шалтгааныг шалгаж байгаа бөгөөд "Гэрт нь гадны хүн нэвтэрсэн шинж байгаагүй" хэмээн мэдэгдсэн байна.

Ким Сэ Роны хувьд 2009 онд хүүхэд байхдаа жүжигчний карьераа эхлүүлсэн бөгөөд 2023 онд олны хүртээл болсон "Bloodhounds" цуврал түүний сүүлийн уран бүтээл байжээ. Зарим хүмүүс түүнийг амиа хорлосон байж болзошгүй хэмээн үзэж байгаа бөгөөд жүжигчин бүсгүй 2022 онд согтуугаар автомашин жолоодож байгаад осол гаргаж, түүний жүжигчний карьер уруудаад байсан юм.