Өчигдөр буюу 2024.12.04-ний өдөр Францын парламент засгийн газар нь үйл ажиллагаа үргэлжлүүлэн явуулах эсэх талаар санал авахад баруун болон зүүний үзэлтэй намууд засгийн газраа татан буулгахын дэмжжээ.

Ингэснээр Ерөнхий сайд Мишель Барние болон засгийн газрын гишүүд огцрох юм. 

Ийнхүү Францын улс төрд үүсээд буй хямрал улам гүнзгийрэв. Тус улсын Ерөнхийлөгч Эммануэль Макрон 2027 онд бүрэн эрхт хугацаа нь дуусах хүртлээ албан тушаалаа хашихаа мэдэгдсэн. Гэхдээ тэр одоо шинэ ерөнхий сайд томилох хэрэгтэй юм. Долоодугаар сард парламентын сонгууль явагдсаны дараа хоёр дахь удаагаа ерөнхий сайд сонгоно гэсэн үг.