Ням гарагт болсон Олимпын наадмын 100 м-ийн гүйлтэд АНУ-ын тамирчин Ноа Лайлз 9,784 секундийн амжилтаар алтан медаль хүртлээ. Хоёрдугаар байрт Ямайкийн Кишане Томпсон /9,789 сек/, гуравдугаарт Америкийн Фрэд Керли /9,81 сек/ нар шалгарсан байна.  

Токиогийн Олимпын хүрэл медальт Канадын Андре де Грасс шигшээ наймд багтаж чадсангүй.

Өчигдөр болсон 100 м-ийн гүйлтийн барианд орсон эхний 6 тамирчны үзүүлэлтийг фотофинишийн аргаар тодорхойлохоос аргагүйд хүрсэн бөгөөд хөнгөн атлетикийн 100 м-ийн гүйлтэд зургаан тамирчин “нэгэн зэрэг” барианд орсон тохиолдол түүхэнд байгаагүй аж.

Өдгөө 27 настай Лайлз Токиогийн Олимпоос энэ зайд хүрэл медаль хүртэж байсан бөгөөд дэлхийн зургаан удаагийн аварга юм.